(مزاجية) نعنبوس قومي يالله معاد الا خير راعي ذا الفان ماغير يضرب ذا البوري عند ذا الباب , اخلصي لاتتاخرين على الجامعة , يا يمة خليني انام شوي وربي تعبانة البارح ماجاني نوم ماغير اتقلب كني شلخة بطاطس في قلاية ,, اقول اخلصي وانا امك ترا ابوك الحين بيشوفك نايمة وهمن يصكك بجيك الموية ,,

اعوذ بالله الواحد مايعرف يرتاح في نومتة بهذا البيت ,
يمة يمة يمة ,,, تعالي بسرعة الله يرحم ام امك ,,
وشفيك يامزاجية ,, اقول وش مزاجية انتي بعد ,, انا مزاجي على سن ورمح وشفيك تقولين مزاجية ,
اقول انتي منتي صاحية تبين تصرين رجال . شوفي كل هالزين وتبين بعد تسترجلين , يا يمة لاتهبلين فييني شوفي شنبي , انتي يالخبلة هذا الروج سايل على شفايفك ,,,,,,, معقولة اني بنت .

طيب يا يمة اطلعي من الغرفة خليني اتفسخ واتفقد نفسي مزبوط اهم شي المحركات الداخلية لازم افحصها على الكمبيوتر . وشذا وشذا البرابيس الى طالعة عندي وشذا الانتفخات والانطعاجات . معقولة اني بنت وكل ذيك الايام احسبني رجال . معقولة ...

صدق انها مشكلة . الحين كيف اغير طريقة حياتي عشان اقدر اتكيف واصير على البارد واصير بنوتة حلوة ودلوعة في نفس الوقت وكيف ابقدر احل واجباتي وانا مانسدحت على الارض , وكيف ابقدر اغير نبرة صوتي وانا اصلا حلقي كلة مشقق من الزعاق . وكيف ابقدر اذا كحيت مايطلع بلغم , وكيف ابغير كل الملابس الى في الدولاب . ياشين الى مايكتشف نفسة الا على كبر , بس لازم اتغير وربي لازم اتغير ,,

اول شي لازم اتعرف على بنت من بنات الجامعة واخليها تعلمني كل شي . اجل ابعقد مثل المهبولة انا ورائي عرس ومسؤلية وبيت واعيال , اجل ابقعد عند اهلى الين متي , لازم اصير حرمة سنعة ,,
اجل ابرتب دروسي والفها بسجادة واروح الجامعة وادور لي بنت تصير صديقتي ,

خاشة الجامعة وطايرة عيوني فيذا البنات وشذا كل ذا البنات عندنا وحنا ماندري . تصدقون اني استحيت طلعت اشين بنت في الجامعة . قسم بالله بغيت اريوس وارجع بيتنا واجلس في بيت اهلى اجل ذا وجة بنت تروح الجامعة . حدها الصالة لين الغرفة ويخب بعد عليها ,


المهم صادقت بنت من بنات الحمايل ذرابة وسنع وشاطرة بعد ,, شوي الا وانا جالسة جنبها على الكرسي الا يوم سحبت يدي وقامت تفغص فيها . .قالت شوفي يامزاجية انا معجبة فيك ,قلت هااااه قالت انا معجبة وتراني ابخليك فوق البنات كلهم انا تعجبني البنت الى كتوفها كبار وسمراء ,,
عاد انا لقطت نفسي واطلع من فصل الجامعة واطير للحوش واجلس تحت الشجرة واجلس اصيح لين تورمت عيوني , وماصدقت انها تخلص كل الحصص واركب مع سواق الفان وارجع للبيت وانا زهقانة وتجيني امي ركض وشفيك يا مزاجية قلت يايمة انا خلاص مابي ادرس بصراحة البنات عليهم حركات في الجامعة مهيب زينة . الا امي انتي بنتي البكر وتعرفيني السنع من الشين وبصرك ,,
قلت بس مالي الا بنات خالتي هم الى بيصلحون لي والله ونسير عليهم يوم الاربعاء في استراحة متقاطين فيها خوالي ونجلس تحت ذاك الجدار عشان نسوالف براحتنا الا يوم قامت وحدة من بنات خالتي بتغير شريحة جوالها وانا اطالع وانا بحسن نية قلت لها ليش جوالك انقطع ,, قالت يالخبلة هذا بطاقة سوا عشان صديقي يكلمني عليها وانا الى تطير عيوني فيها قلت يعني تكلمين رجاجيل قالت وش فيها صداقة ,, المهم قامت تسولف معة وهي مبسوطة واجلس اتسمع لها عشان اتعلم ناوية الفلة ذا البنت خخخخخخخ,,

وتروح الايام وتجي ويطول شعر راسي ويوصل لين كتوفي بس المشكلة الصلع الى في جبهتي مانبت بصراحة كنت اتفشل ارجع شعري على وراء واربطة بتوكة ,, واشغلتني كم شعرة في وجهي كل شوي ناطة وانا ماغير ملاحق بذا الحلوى انا وياها ,,
ويجي ذاك اليوم الى اروح فية السوق مثل أي بنت تبي تغير الجو والزهق الى في البيت وماني متعودة الا على الزبريات . والحين يبلي كعب نص متر في السماء وامشي فيذا السوق ماغير اهتز كني دجاجة على سلك كهرب يلعب فيها الهواء , وذا الشباب يلاحقوني يحسبوني راعيت حركات مع اني مالبست بشت فرنسي , ويجي ذاك المملوح ويدفني بكتوفة ويقول لي خذي رقمي انا بصراحة انحرجت في البداية ويوم تذكرت بنت خالتي قلت خل اجرب واخذ رقمة واروح للبيت بعد ماشريت شريحة سوا اجل اكلمة من جوالي العام معصي والله ,,,

وقام ذا الضعيف يدقدق كل يوم واذا بغيتة عطيتة دقة وجاني يركض ركض واحيانا اخلية يشحن لي ذا المهبول ,
وجلست مع سنتين لين خليتة على الحديدة , وتجيني امي وتصيدني اتكلم معة وتكسر الجوال على راسي ويرزقني الله بولد الحلال ويتقدم ويخطبني واوافق علية وحنا جالسين في الشقة ليلة زواجي نسوالف قبل لاندخل الغرفة ويعطيني بطولتة الى نصها عجزت اصدقها الا وهو ساحبني مع يدي سح ويقول قومي للغرفة معي وانا حسيت بالخوف والخيانة قلت اصبر شوي وهو يحاول يقنع فيني وانا جالسة اهوجس . الا يوم جر يدي بقوة وانا الى ازعق ومادريت الا يدي في يد ابوي ويقول لي قم الصلاة يامزاجي جعل السكني يخمك منت حلت عليك الصلاة ,,

واقوم مفزوع من حلمي واجلس احمد ربي حمد اني ماصرت بنت والا كانت علومي علوم , اجل ابدخل مع ذا المهبول غرفة وحدة سان انهبل ,,,






هذا موضوع خفيف وقليل الدسم حبيت اطرحة لتغير الجو فقط لاغير ,,,
وبصراحة ابي ردود تزيد الموضوع اضافة والا لو اجلس اسوالف ماخلصت ,,,

هههههههههههههههههههههههههه
هههههههههههههههههههه
ههههههههههههه
والله اذا انت كتبتها بصرااحة لك مستقبل كبير بعد وعلى ضمانتي خخخخخخخخ

يسلمووو ياخوي وبالله كثر من كتاباتك تفتح النفس ..

مشكوووووور ياخوي وماقصرت..

الله يجزيك الجنـــــــــــــة..

رووووووووووووووووووووعة قصتك يامزاجيه >>>اقصد مزاجي
تسلم ياخوي

جد حلوو
يسلمووو

القصة روعة
وأبدعت في نسجك للخيال
والنهاية غير متوقعة
بس روووووووووووعة
ويعطيكم العافية

هع هع

ولتسم فيتسم في مآ,ضوعي < خخخ ياشين الي مايعرف يكتب

وانتظروا المزيد من كل مفيد < اي هين ااحتروا بس ..!

لا عاد ابي انزل المزيد < يمديكم على هالكلمة ؟!

وكل جديد < شاعر هههههههههههههه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]صح إن الموضوع مر عليه سنه تقريبا
لكن بصراحه رووووووووووعه
والله انك فلله...

رووووعة

خخخخ

يعطيك العافية ،،

خخخخخخخخخخخخخ
ماتوقعت النهايه كذا
مثل الأفلام الهنديه هع

يسلموووووووو مزاااجي

~دانـ بعـ بحارها ـين ـة~

** متلثمة بشماغ أخوها **

معقوووله أنساااك

ثآآ’كـــس نورتوا المآ’ضووع