اول شيء السلام عليكم ورحمة الله وبركاته
اما بعد....

هذي قصة قصيرة <== قل قسم اصلا انت وش عرفك بالقصص انت بس تقول سوالف
خلاص لا تضحك علي هذي سوالف ::
<== ياشين اللي وده يدخل الموضوع ومايدري وشلون



ستارت



في ليلة ذات يوم كنت جالس اتفرج على برنامج السيرك والسحرة اللي فيه وكيف يحولون الناس ضفادع ويطلع ارانب من القبوع حقه المهم فاق خشتي على التلفزيون وجالس اتابع ومنسجم واقول ياليتني مثلهم وكان بكرة وقت الشهايد وخايف اني اسقط بس متأكد اني ناجح وداري اني ابسقط بس وش اسوي قلت لازم ااحاول اقول للنفسي اني ناجح علشان مايجيني اكتتاب(( معليش تراه يقصد اكتئاب بس الترجمة عنده غلط ))) وانا منسجم مع التلفزيون والسيرك اثري نمت وانا ماادري تصدقون <===اقول كل تبن اصرف لك

اول ماجاء الفجر اقعدني الشايب اي ماي فاذير اي ابوووووي<== يعني شوفوا ترى معي لغات ههههههههههه وقال مزاجي قم رح جب شهادتك من المدرسة وياويلك اذا ماكنت ناجح ترى ابعلقك بالمروحة يومين وابعطيك الماء بهوز من التانكي

قلت لا ماعليك السنة هذي متأكد اني ناجح عاد انا عمري 22 وبسادس ابتدائي لو اني متزوج كان اللي يدرس معي عيالي وهذي فايده من فوايد الزواج المبكر وعلي شكل ياشيخ لو احط ابليس جنبي وخليتكم تختارون ابليس تبي تختاروني انا وتقولون هذا ابليس وماناقص الا 2 سم مكعب ومربع من الشعر واصير خروف نعيمي من كثر الشعر.

حتى من كثر الشعر اللي فيني دايم القى فيه قطاوه ميته وفيه برضو كم عش قمل يعني ما اتعب نفسي واروح اصيد الصيد على الماشي ماغير ادخل يدي بشعري واطلع من هالقمل وعاد عليه انواع العرق والريحة المخيسة لكن وش اسوي مالي الا هي (احس ان بعضكم لاعت كبده من كلامي )
ههههههههههههههههااااااااااااااااي


الوكاد رحت للمدرسة لابس فنيلة علاقي وسروال الاتحاد ابو ثلاث خطوط القديم وطاقية شخالي اللي يشوفني يقول هذا يمني يشتغل بناء بيوت طين
دخلت على المدير قال رح الحمام من الجهة الثانية شف الماصورة مكسورة صلحها (يحسبني سباك )

واجلس افقع ضحك قلت الله يرجك يامديرنا والله انك زاحف انا مزاجي قل قسم انك ماعرفتني قال ايه انت شيبة عرعر اللي بالمدرسة شف حنا جاينا خطاب من الوزارة يقول اذا تخرج مزاجي قفلوا المدرسة واقلبوها موقف تكاسي (((ادري انها مصلة بس وش اسوي قلت ودي اكتبها )))

قلت اقول اخلص بس وخل عنك المصالة يعني تنكت يالمدير عطني الشهادة قال تفضل عاد كان وقتها النظام الجديد توه نازل اللي هو الاشعار وانا متعود على الدوائر الحمر المهم استانست نقزت بسرعة ركض ركض ركض وانا اركض طلع سري وطبعا انا سري غير سر الناس لان سري يمكن يجي نص متر اللي يشوفني يقول وش الناقة اللي تركض

المهم وصلت للشايب وقلت تفضل ياوالدي العزيز ياللي حملتني في بطنك تسعة أشهر وعانيت الآلام في ولادتي (((معليش ابو الشباب يدري ان احد الوالدين هو اللي يحمل بس مايدري من هو بالضبط هههههههههاااااي ))) عاد ابوي مثقف ويعرف بالنظام الجديد.

قال ابوي تنكت انت وحواجبك اللي كنها الساعة عشر الا عشر والا خشمك اللي كنه بزبوز برادة عاد انا استانست حسيت نفسي جالس في جلسة ذب قلت اقول مستانس انت وعيونك اللي من صغرها ماادري انت مفتح الحين والا مغمض الا يبه ورى تمشي مفوحج لا يكون البواسير واصله لركبك

المهم الشايب قفلت معه ويصكني بالطفاية واركدها بصدري واشوتها بقوه باتجاه ابووووي وابوووي يجلي عنها الا اخواني جالسين يصفقون ويشجعون ويقولون هيه وانا احس بحماس وانقز على الشايب واسوي فيه حركة بيرت هارت واقول استسلم والشايب رافض<<< عنيد الشايب واخواني يحاولون انه يستسلم بس هو رافض ومعيي المهم وامسكه المسكة المنومة واخذنا شوي واخواني يرفعون يده وتطيح ويرفعون يده مرة ثانية وتطيح ويرفع يده المرة الثالثة لا لا لا لا مانام الى الحين فيه قوة اوووووووه لا تدخل خارجي جت الوالدة معها قدر وتصكني على راسي واخواني يصارخون مستانسين من يلقاها wwf داخل بيتهم المهم وتصكني الوالدة بالقدر واطيح ويحاول ابوي يثبتني واحد اثنين ثلا .... لا لا وامسك ابووووي وارفع فوق واشيله واضربه بالارض واثبته واحد اثنين ثلاثة فاز مزاجي ويرفع اخوووي عليان يدي ويقول the winner is mzaji<===((الله ابوكم عائلة مهبل )).......

المهم قام الشايب واخذ النجر وصفق راسي فيه وانا انسدح ويطلع انواع الدم علي شعري عاد ومنسدح واترافس دخل علينا اخوي سعيدان وقال هيه العيد جاء العيد جاء قال ابوي الله ياخذ عمرك ماهو بيتي ذا هذا مستشفى شهار << ماكذب المجهول يوم قال انك من شهار يونايتد

وش عيده اللي بشهر اثنين حتى باليهود مافيه عيد بهالوقت هذا قال سعيدان اجل الخروف اللي ذابحه انت ليش؟؟؟ قال يامال العمى شم ريحته وانت تدري انه اخوك مزاجي المهم قمت اتخبط كني قطو صاقعه واحد بزبيريه واجلس اركض واركض واركض واركض والشايب وراي يركض عاد ابوي صغير اللي يشوفنا يقول شف الباكستاني ((( اللي هو انا ))) خايف من الهندي القزم اللي وراه ((يقصدون ابوي))<== الله ياخذ عمرك تراه ابووووووك يالووووح
وانا اركض وطيت شيء وانفقع ماادري وشو

وارجع واقول للشايب وقت مستقطع بالله قال ابوي اي والله ترى انا تعبت ههههههه واناظر الا ضفدع واجلس اضحك واضحك واضحك الشايب شكله ناظرني قال هذا جاه شيء وانهبل المهم ويجلس يقرأ علي ويتفل واقوم اتفل عليه قلت اصغر عيالك يالحبيب تتفل علي قال انا ابوووووك الله ياخذ هالوجه ويجلس يبي يطق قلت هيه يالحبيب حلا هي توك طاقني قال لا لازم اطقك علشان الناس يدرون اني ابوك واني شديد <=== لا تعليق

المهم رحت للبيت واكلتها تكفخ وانحرمت من العشاء <== تكفى يالعشاء اللي يسمعك الحين يقول بوفيه مفتوح مايدرون انه خبز وجبن هههههههههههه ورقدت علي سريري الحريري وعلى الوسادة اللي من ريش النعام <== يارجال بلا نصب انت تنام بسطح بيتكم علشانه براد وانتم ماعندكم مكيفات وسريرك فرشة بلاستيك والغطاء كان فيه فروة والا بشت ترى ماهي بشينه
هههههههههههههههههههههههههههههههههههههههااااااااااا اااااااااااااااااااااي

وانا نايم حسيت ان فيه شيء يتحرك عندي واناظر الا شايب متكسر ويناظر فيني قال انهض ايها الشبهه انهض قلت ابشر ايها العربي الاصيل قال انهض يجب ان اعاقبك لانك قتلت ابني قلت اي ولد الله يفضخ راسك انا اصلا ماعمري ذبحت دجاجة تبيني اذبح ادمي قال ألم تدعس برجلك التي كنها خف بعير ولدي الضفدع

وانا أجلس اضحك قلت الله يرجك بالله ولدك الضفدع تنكت انت وهالجبهه اللي كنها مواقف سيارات قال هل أنا في مثل عمرك حتى أنكت معك ؟؟؟ <=== طاح وجهي وقتها
قلت بالله الضفدع وبأي بركة كان زواجك انت وأمه قال انا ساحر وابني كان عنده اختبار كيف يتخفى في شكل ضفدع وانت ذبحته علشان كذا لازم اذبحك انا أول ماحسيت الدعوة صحيح واجلس واحلف عنده واصيح اني مااادري وكان قضاء وقدر واجلس احب اصبع رجله اليمين الصغير واقول آسف سو اللي انت تبي الا الذبح انا وراي عيال قال خلاص سوف ارحمك واجعلك ضفدع مدى الحياة قلت الضفادع عندهم بنات ومجمعات <==تفكير سعودي قال ايه فيه البحيرة اللي ورى وادي لبن تلقى فيها ضفدعات قلت تم والله ويحولني ضفدع لوني اخضر وعيوني صفر ووساع بس يااخي اكل الضفادع ماش ماهنا الا ذبان وخنافس اندبلت تسبدي من هالأكل يااخي ليش ماعندهم بروستد <== حلم حياته يأكل بروستد ههههههههاااااااااااااي

المهم تعرفت على ضفدعة حلوة لونها ازرق فل كامل المهم تعرفت عليها وجلست انكت على الضفادع الثانية وهي تضحك وانا مستانس متشقق من الوناسة المهم قالت ياحلوك حلواه انت ولونك الاخضر تتزوجني قلت خلاص تم ونروح للمأذون عاد المأذون سحلية كبيرة المهم تم الزواج وصرنا بغرفة وحده انا واياها واول ماطفينا النور الا واحد يدق الباب والليه من النشبه ذا وش يبي هذا بهالوقت وبالتوقيت الله لا يعطيه عافية
(((يااخي فيه ناس يخربون عليك احيانا باوقات انت مالك خلق لهم وياشينه اذا كان ثقيل طينه ))

واطلع الا ولد عمها توه جاي من الدراسة مبتعث للبحيرة بالصمان يدرس سياسة واقتصاد المهم ويشيلي ويضربني وانا مااقدر اسوي شي لاني مؤدب ((نصاااااااب خايف منه يالذروق ))) ويطيح فيني ضرب ويقول قم قم يامال العصب وافتح عيوني الا ابووووووي يقول رح جب الشهادة وياويلك ان مانجحت طلع كل شيء حلم
ههههههههههههههههههههههههاااااااااااااااااااااااااا اااااااااااي

مايصتفاد من الموضوع

1- إن كنت كبير وتدرس ابتدائي افصل احسن لك وش لك بالدراسة واترك المثل اللي يقول من شابه ابه فما ظلم <=== ابووووووك يالامثال
2- اذا كان لك شعر واجد رح لاقرب حلاق وخله يشلوطك احسن لك
3- اصلا مافيه شيء يستفاد بس قلت نسوي مثل الناس
ههههههههههههههههههههههههههههههههااااااااااااااااي

مزاجي .....

قسمن بالله اني مت من الضحك ههههههههههههههههههههههههههههههه

خصوصا السواليف واللهجة شييييييييي ههههههههههههههههههههههههههه

بالله كثر من هالسوالف اشجعك يامزاجي ..

يسلمووووو والى الامام دوما ..

ههههههههههههههههههااااااي
يسلموو اخوووي ..
دمت بووود

ههههههههههههههههههه
ههههههههههههههههههه
هههههاااااااااااااااااااااي

يسلمووو على هالسوالف
ننتظر جديدك

ربي يعطع بليسك وقسم قمت ادمع من الضحك

وننتظر جديدك

شجووونة

8

8

8

شجوونة اجل يعطع خخخخ



مزاجي ..

<<<< هذة المستخدمه ميته من الضحك



ربي لايحرمنا من تواصلك الرائع

هههههههههههههههههههههههه

قسم قسمات انك تضحك

ننتظر جديدك

تقبل مروري

ولآتسسسسسم بكل الي ردوا نورتوا المآ’ضوع

يارب هالضحتسه ماتفارق محيياكم < يمديكم هع !!

مير تعالوا كل يوم بكل مآ’ضوع ,,

هههههههههههه

يعطيك العافية ..

موضوع روعـه

ههههههههههههههههه

الله يرج ابليسك

يعطيــــــكـ ـالعآآفـــــــيه